Տեղի ունեցած Կառավարութեան հերթական նիստին, որ կը վարէր ՀՀ վարչապետ Կարէն Կարապետեան, գործադիրի հաւանութեան արժանացած է հայկական ազգային կոխ ըմբշամարտ մարզաձեւի զարգացման հայեցակարգը, որուն հիմնական նպատակը հայկական ազգային կոխ ըմբշամարտի զարգացման եւ արդիականացման համար հեռանկարային երկարաժամկէտ եւ ընթացիկ փոխկապակցուած ծրագիրներու մշակման ռազմավարութեան սահմանումն է:
Ըստ «Հայերն այսօր»-ի` հիմնական ուղղութիւններն են` ՀՀ-ի, Ջաւախքի, Արցախի եւ Սփիւռքի մէջ հայկական ազգային կոխ ըմբշամարտի աւանդոյթներուն տարածումը եւ զարգացումը, մարզաձեւին համապատասխանեցումը նոր տնտեսական յարաբերութիւններուն եւ ժամանակակից պահանջներուն:
ՀՀ մարմնակրթութեան եւ երիտասարդութեան հարցերու նախարարին որոշումով՝ յանձնարարուած է կառավարութեան ներկայացնել հայեցակարգին կատարումը ապահովող ձեռնարկներու ծրագիր:
