Շաբաթավերջին ղարաբաղա-ազրպէյճանական հակամարտ զօրքերու սահմանագիծին վրայ հակառակորդը հրադադարը խախտած է շուրջ 100 անգամ, որուն ընթացքին, տարբեր տրամաչափի հրաձգային զինատեսակներէ, հայ դիրքապահներու ուղղութեամբ արձակած է աւելի քան 2300 կրակոց: Շփման գիծի հիւսիսային ուղղութեամբ` չէզոք գօտիի մէջ, դիտարկուած են ականազերծում կատարող ազրպէյճանական խումբ մը զինծառայողներ:
ԼՂՀ պաշտպանութեան նախարարութեան մամուլի ծառայութենէն կը յայտնեն, թէ պաշտպանութեան բանակի յառաջապահ զօրամասերուն կողմէ ձեռնարկուած պատասխան գործողութիւններու արդիւնքով հակառակորդը ետ շպրտուած է:
ՊԲ յառաջապահ ստորաբաժանումները կը շարունակեն լիակատար վերահսկողութիւն պահպանել առաջնագիծին վրայ եւ վստահօրէն իրականացնել մարտական հերթապահութիւն:
