Կառավարութիւնը նպատակադրած է ապահովել 2017ին 3,2% տնտեսական աճի մակարդակ. Ազգաին ժողովին մէջ 2017ին պիւտճէի քննարկման ժամանակ այս մասին յայտարարեց ՀՀ վարչապետ Կարէն Կարապետեան: Ան խոստովանեցաւ, որ նշուած ցուցանիշին հասնելու համար մեզմէ բաւական ջանքեր կը պահանջուի, բայց վստահեցուց` «ամէն ինչ պիտի ընենք ատոր հասնելու համար», կը հաղորդէ Tert.am-ը:
Իսկ մինչ այդ վարչապետը նշեց, որ վերջին երկու տարիներուն ՀՀ տնտեսութիւն ներթափանցած ցնցումները պայմանաւորուած են ՌԴ տնտեսութեան անկմամբ եւ փոխանցումներու նուազեցմամբ: Այդ նպատակով, ըստ անոր, հակապիւտճետային քաղաքականութիւնը եղած է հակաշրջանակային, որ բերած է պետական պարտքի աւելացման:
Կարէն Կարապետեան նշած է, թէ իրենց խնդիրն է բոլոր անհրաժեշտ քայլերը կատարել, որպէսզի տնտեսական կայունութիւն ապահովեն եւ նուազող պիւտճէի միջոցով պարտքի կայունցման հասնին:
«Թափանցիկ գործելակերպով, հարկատուներու պիւտճէի մուտքերը պէտք է օգտագործել խնայողաբար, նպատակային, արդիւնքները` տեսանելի հանրութեան համար»,-ըսած է ան:
Վարչապետը նշած է, թէ կոշտ քաղաքականութեամբ պիտի փորձեն պակասուրդի աճ չունենալ, ինչպէս նաեւ գործարարութիւնը առաւելագոյնը պիտի չճնշէ, որ կարենան վերարտադրել, եւ ստեղծել բնական հարթակ` աւելի աշխոյժ տնտեսական աճ ապահովելու համար:
