Սուրիոյ մէջ քաղաքական լարուած իրադրութեան հետեւանքով Հայաստանի մէջ իրենց ապաստանը գտած են 20 հազար սուրիահայեր: Ինչպէս «Արմենփրես»-ի հետ զրոյցի ընթացքին ըսած է ՀՀ սփիւռքի նախարարութեան աշխատակազմի ղեկավար, սուրիահայերու հարցերով զբաղող յանձնաժողովի նախագահ Ֆիրտուս Զաքարեանը, զբաղուածութեան եւ կացութեան խնդիրները կը խանգարեն սուրիահայերուն վերջնականապէս ընդելուզուիլ մեր հասարակութեան մէջ:
«Մի շարք հասարակական-բարեգործական ընկերութիւններ, ինչպէս նաեւ միջազգային կառոյցներ կացութեան վարձավճարներ են տրամադրում սիրիահայերին: Սակայն բնակարանի վարձի կարիք ունեցող սիրիահայերի թիւն անընդհատ փոփոխւում է եւ սա բաւական մեծ խնդիր է առաջացնում»,- ըսած է Զաքարեանը:
Անդրադառնալով Հայաստանի մէջ սուրիահայերուն անհանգստացնող աշխատանքի խնդիրին, Զաքարեանը նշած է, որ սուրիահայերուն մեծ մասը ունի աշխատանք, սակայն աշխատանքի վարձատրութեան չափը վերջիններուս չի գոհացներ: «Սիրիահայերից շատերը չեն համակերպւում աշխատանքի վարձատրութեան հետ` նշելով, որ Սիրիայում իրենց աշխատավարձերը համեմատաբար բարձր էին»,- ըսած է ան:
Սուրիահայերու հարցերով զբաղող յանձնաժողովի նախագահը վստահեցուցած է, որ սուրիահայերու շարք մը խնդիրներ արդէն իսկ սահուն կերպով իրենց լուծումը ստացած են: «Առողջապահութիւնը նրանց համար անվճար է: Այն սիրիահայերը, ովքեր սովորում են բարձրագոյն ուսումնական հաստատութիւնների բակալաւրիատում, վարձավճարներ են ստանում: Անվճար լուծւում է նաեւ սիրիահայերի գերեզմանատեղերի խնդիրը»,- աւելցուցած է Զաքարեանը:
Այն հարցումին, թէ վերջին օրերուն Հալէպի հայաշատ թաղամասերու մէջ տեղի ունեցող ռմբակոծութիւններու արդիւնքով արդեօք Հայաստան սուրիահայերու հոսք նկատուած է, Զաքարեանը նշած է` ոչ` աւելցնելով, որ Սուրիոյ մէջ պատերազմական իրավիճակին հայերը արդէն վարժ են եւ խուճապի չեն մատնուիր:
Սուրիոյ մէջ պատերազմի պատճառով մեծ թիւով սուրիացիներ կը լքեն երկիրը` յայտնուելով այլ պետութիւններու մէջ փախստականի կարգավիճակով: Երկիրը կը լքեն նաեւ տեղի հայ համայնքի ներկայացուցիչները: Հայաստանի մէջ փախստականի կարգավիճակ կամ ապաստան ստանալու մասին Սուրիայէն դիմումները կը քննուին արագացուած ընթացակարգով` առնուազն տասը օրուայ ընթացքին:
