ՀՀ անկախութեան հռչակման 25-րդ տարեդարձի առիթով Սեպտեմբեր 20-ին «Եռաբլուր» զինուորական պանթէոնին մէջ յարգանքի տուրք մատուցուած է հայրենիքի ազատութեան եւ անկախութեան համար իրենց կեանքը զոհած հայորդիներու յիշատակին:
Այս մասին կը տեղեկացնէ ՀՀ պաշտպանութեան նախարարութեան տեղեկատուութեան եւ հասարակայնութեան հետ կապերու վարչութիւնը:
Յանուն Հայաստանի եւ Արցախի անկախութեան ու ազատութեան զոհուած հայորդիներու յիշատակին յարգանքի տուրք մատուցելու նպատակով զինուած ուժերու բարձրաստիճան ղեկավար կազմի ներկայացուցիչներու ուղեկցութեամբ «Եռաբլուր» զինուորական պանթէոն այցելած են ՀՀ պաշտպանութեան նախարարի պաշտօնակատար Սէյրան Օհանեանը եւ ՀՀ ԶՈՒ գլխաւոր շտապի պետ, զօրավար-գնդապետ Եուրի Խաչատուրովը:
