Մոսկուայի գիրքի 29-րդ միջազգային տօնավաճառ-ցուցահանդէսին Հայաստան իր տաղաւարին մէջ ներկայացուցած է հայկական գրահրատարակչութեան վերջին երկու տարուայ գիրքերը, ներկայ եղած են նաեւ հրատարակիչներ: Այս մասին տեղեկացուցած է Հայաստանի Գրողներու միութեան նախագահ Էդուարդ Միլիտոնեանը:
Տօնավաճառ-ցուցահանդէսի ծիրէն ներս կայացած է ԱՊՀ երկիրներու «Գրքարուեստ» մրցանակաբաշխութիւնը, Հայաստանի կողմէ ներկայացուած ութ գիրքեր տարբեր անուանակարգերու մէջ արժանացած են մրցանակներու: Նկարիչ Վան Խաչատուրի ձեւաւորած Մովսէս Խորենացիի «Հայոց պատմութիւն» ալպոմը արժանացած է Grand Prize -ի:
Միլիտոնեան տեղեկացուցած է, որ հայկական տաղաւարի մէջ տեղի ունեցած են գիրքերու շնորհահանդէսներ, որոնց մէջ նաեւ Արտաւազդ Փելեշեանի «Դրոշման ժամանակը» երկհատորեակի շնորհահանդէսը, որուն մասնակցած է նաեւ հեղինակը, կը գրէ Panorama.am-ը:
«Տօնավաճառի ընթացքում հանդիպումներ եղան տարբեր երկրների հրատարակիչների, գրողների հետ, ձեռք բերուեցին նոր պայմանաւորուածութիւններ»,- յայտնած է Միլիտոնեան:
Սեպտեմբեր 7-11–ը կայացած Մոսկուայի Գիրքի 29-րդ միջազգային ցուցահանդէս-վաճառքին մասնակցած են երեք տասնեակէ աւելի երկիրներ:
