*ՍԵՒԱԿ ՅԱԿՈԲԵԱՆ*
Թուրք – իրանեան մերձեցումը կը շարունակուի ամէն մակարդակի վրայ, որ ըստ երեւոյթին սովորականէն անդին ալ կ’անցնի:
Քանի մը օրեր առաջ այս մասին անդրադարձած էի՝ Սուրիոյ նախագահին իշխանութեան վրայ որքա՞ն մնալու տեսանկիւնէն:
Այսօր մտահոգութիւնս այլ է սակայն:
Եթէ թուրք – իրանեան այս սիրաբանութիւնը շարունակուի, անկախ սուրիական թղթածրարին վրայ անոր ունենալիք ազդեցութենէն, ի՞նչ տեսակի անդրադարձ կրնայ ունենալ հայ – իրանեան բարեկամական յարաբերութիւններուն վրայ՝ եթէ թրքական կողմը ուզէ խանգարել զայն, որպէս նախապայման աւելի եւս մերձեցումի…:
Յուսամ մտահոգութիւնս անտեղի դուրս կու գայ, բայց շահերու վրայ հիմնուած քաղաքականութիւնն է որ կը մտահոգէ զիս…:
