Յուլիս 29-էն Օգոստոս 2 կայացած են Հայաստանի պետական կամերային նուագախումբի եւրոպական հիւրախաղերը` նուիրուած Հայաստանի Հանրապետութեան անկախութեան 25-ամեակին:
Նուագախումբը, գեղարուեստական ղեկավար եւ գլխաւոր խմբավար Վահան Մարտիրոսեանի ղեկավարութեամբ, հինգ փառատօնի ծիրէն ներս, համերգներով հանդէս եկած է` Յուլիս 29-ին, 31-ին,Օգոստոս 1-ին, 2-ին` Ֆրանսայի շարք մը քաղաքներու մէջ եւ Յուլիս 30-ին` Զուիցերիոյ մէջ, ցուցաբերելով կատարողական բարձր վարպետութիւն` արժանանալով հանդիսատեսի ու երաժշտասէրներու ջերմ ընդունելութեան:
Համերգներուն ընթացքին նուագախումբի, ինչպէս նաեւ երիտասարդ տաղանդաւոր ջութակահար Տիանա Ադամեանի կատարմամբ հնչած են հայ եւ արտասահմանեան երգահաններու, ներառեալ` Կոմիտասի ստեղծագործութիւնները
