Պուլկարիոյ Պլակոեւկրատ քաղաքին մէջ տեղի ունեցած է մաթեմաթիկական միջազգային ուսանողական հերթական մրցոյթը (IMC), որուն մասնակցած են աշխարհի 72 համալսարաններու խումբեր` աւելի քան 320 մասնակից, կը տեղեկացնէ ԿԳՆ մամլոյ ծառայութիւնը:
Հայաստանէն մասնակցած են Երեւանի պետական, Հայաստանի Ամերիկեան եւ Սլաւոնական համալսարաններու խումբերը: Մրցոյթը իրականացուած է ե՛ւ անհատական, ե՛ւ խմբային հաշուարկներով: Երեւանի պետական համալսարանը ներկայացած է 4 մասնակիցներով, որոնցմէ երկուքը` Ալպերթ Գէորգեանը եւ Ալպեր Սահակեանը արժանացած են ոսկէ մետալներու, Վազգէն Միքայէլեանը` արծաթէ մետալի, իսկ Աւետիք Գարակուլեանը` պրոնզէ մետալի:
Հայաստանի Ամերիկեան համալսարանը ներկայացած է 2 մասնակիցներով, որոնցմէ Արտեոմ Քոսեանը արժանացած է արծաթէ մետալի, իսկ Լեւոն Ստեփանեանը` պրոնզէ մետալի: Հայաստանի Սլաւոնական համալսարանը ներկայացած է մէկ մասնակիցով` Հրաչեայ Քոչարեան, որ արժանացած է պրոնզէ մետալի:
Ընդհանուր առմամբ` հայաստանցի 7 մասնակիցերը արժանացած են 2 ոսկէ, 2 արծաթէ եւ 3 պրոնզէ մետալներու:
Ուսանողական միջազգային մրցոյթին Հայաստանի խումբերը ղեկավարած է ԵՊՀ եւ ՀԱՀ դասախօս Կարէն Քեռեան:
