Շուշիի մէջ Օգոստոս 10-ին պիտի մեկնարկուի «Յակոբ Կիւրճեան» քանդակագործութեան չորրորդ միջազգային կոչունքը: Այս մասին, ըստ Artsakhpress.am-ի, յայտնած է «Շուշի քաղաքի թանգարաններ» ՊՈԱԿ-ի տնօրէն Լուսինէ Գասպարեանը` աւելցնելով, որ արդէն աւանդական դարձած Շուշիի մէջ իրականացուող քանդակագործութեան կոչունքը միջազգային համագործակցութեան, մշակութային ու մասնագիտական երկխօսութեան եւ ստեղծագործական ոգեշնչման հարթակ է արուեստագէտներու համար:
Կոչունքի բացման արարողութիւնը տեղի պիտի ունենայ Օգոստոս 10 –ին` Շուշիի Կերպարուեստի պետական թանգարանի պուրակին մէջ: Քանդակագործութեան չորրորդ միջազգային կոչունքին պիտի մասնակցին տասնեակ քանդակագործներ` ԱՄՆ-էն, Չինաստանէն, Լեհաստանէն, ՌԴ-էն, Հայաստանէն ու Արցախէն:
«Քանդակագործութեան սիմպոզիումն առիթ է գեղեցիկ արուեստի շուրջ համախմբելու մեր հին ու նոր բարեկամներին, ստեղծելու արուեստի գործեր, որոնք Շուշիի մշակութային նոր կերպարի մաս կը կազմեն եւ կը յիշեցնեն գեղեցիկի ու հոգեւորի յաւէրժութեան մասին»,- ըսած է Լ. Գասպարեանը, նշելով, որ կոչունքի կազմակերպիչներն են ԼՂՀ մշակոյթի եւ երիտասարդութեան հարցերու նախարարութիւնը եւ «Ապագայ սերունդների հիմնադրամ»-ը:
