Կիրակի, 31 Յուլիս 2016-ին , տեղի ունեցաւ «Միրաք» Պատանեկան-Ուսանողական Շարժման 2-րդ հաւաքը, այս անգամ, պտոյտ մը կատարելով Երեւանի Աշտարակի շրջանի հանգստավայրերէն մէկը: Պտոյտ-հաւաքը կազմակերպուած էր «Միրաք»ի վարչական կազմի ջանքերով:
Հանդիպումը անցաւ շատ հաճելի եւ ընկերային մթնոլորտի մը մէջ: Պտոյտը առիթ ընձեռեց, որ պատանի-ուսանողները ընկերային միջավայրի մէջ խորացնեն իրենց մտերմութիւնը, մասնակցելով խմբային խաղերու եւ զրոյցներու:
Պտոյտին բացի «Միրաք»էն եւ անոր վարչական կազմէն, հիւրաբար ներկայ եղած էին նաեւ Ռամկավար Ազատական Կուսակցութեան ղեկավար երէց անդամներ՝ ընկ. Հայկ Լէփէճեան, ընկ. Լեւոն Պըլըխեան, ընկ. Տիգրան Չալեան, ընկ. Ճորճ Տէմիրճեան, ընկ. Գարեգին Աստուրեան, ընկհ. Սիլվա Պըլըխեան եւ ընկ. Ժիրայր Պէրպէրեան:
Պտոյտի մթնոլորտէն խանդավառուած ընկերներ՝ Հայկ Լէփէճեանն ու Գարեգին Աստուրեանը կատարեցին սրտափուխ նուիրատուութիւններ:
