Լեռնային Ղարաբաղի եւ Ազրպէյճանի հակամարտ զօրքերու շփման գիծի արեւելեան` Ակնայի ուղղութեամբ, հակառակորդը բացի տարբեր տրամաչափի հրաձգային զէնքերէ, զինադադարի դրութիւնը խախտած է նաեւ 60 միլիմեթրնոց ականանետէ, հայկական դիրքերու վրայ արձակելով 2 արկեր: Լեռնային Ղարաբաղի Պաշտպանութեան նախարարութեան մամլոյ ծառայութեան համաձայն, նշուած ժամանակահատուածի մէջ ազրպէյճանական զինուժը ղարաբաղեան յառաջապահ ստորաբաժանումներու ուղղութեամբ արձակած է շուրջ 600 կրակոցներ: Հակառակորդի ձեռնարկած գործողութիւններուն իբրեւ արդիւնք`ղարաբաղեան զինուժը կորուստներ չէ կրած: Պաշտպանութեան բանակի յառաջապահ ուժերը հիմնականօրէն ձեռնպահ մնացած են պատասխան գործողութիւններէ եւ հակաքայլերու դիմած են միայն խիստ անհրաժեշտութեան պարագային: Շփման գիծի ամբողջ երկայնքով հայկական ստորաբաժանումները կը շարունակեն վստահօրէն վերահսկողութեան ու հակակշռի տակ պահել իրավիճակը:
