«Ընտրած մասնագիտութեանս բնոյթը հասարակական տարբեր կազմակերպութիւններու, գործակալութիւններու հետ լոպիինկի ուղղութեամբ տարուող աշխատանքներ իրականացնելն է»,-«Հայերնայսօր»-ի հետ զրոյցին ըսաւ Մատրիտի Խուան Գարլոսի թագաւորական համալսարանի Գովազդի եւ հասարակայնութեան հետ կապերու բաժանմունքի պակալաւրի ուսանող Քնարիկ Գրիգորեան, որ Յուլիս 11-14 կը մասնակցէր ՀՀ սփիւռքի նախարարութեան նախաձեռնութեամբ, Հայկական բարեգործական ընդհանուր միութեան, «Լոյս» եւ «Այբ» հիմնադրամներուն հետ համագործակցութեամբ կայացած «Հայաստան. Ստեղծենք միասին» առաջին երիտասարդական հաւաքին:
Քնարիկը, ստանալով հաւաքի մասնակցութեան հրաւէրը, շատ ոգեւորուած է: Դեռ մինչեւ Հայաստան գալը ակնկալած է, որ հետաքրքիր եւ բովանդակալից օրեր պիտի ունենայ:
«Արդիւնքը սպասուածէն աւելի է: Վառ տպաւորութիւններ ստացայ հաւաքէն: Ամենակարեւորը հասկցայ, որ Հայաստանի հեռանկարին հետ կապուած հայ երիտասարդներու մօտեցումները եւ տեսակէտները կը համընկնին: Զեկուցողները նաեւ խորհուրդ տուին ինծի, որ Սփիւռքի մէջ ապրելով հանդերձ` ինչպէս օգտակար ըլլամ սպանահայ համայնքին, որ, անշուշտ, պիտի կիրառեմ` ի նպաստ Հայաստան-Սփիւռք կապերու ամրապնդման»,-ընդգծեց Քնարիկը:
«Հայերն Այսօր»
