Չինաստանի Հայկական համայնքը Արցախին օժանդակելու համար կազմակերպած է դրամահաւաք, որուն իբրեւ արդիւնք հաւաքուած գումարը փոխանցուած է Արցախի կառավարութեան կողմէն հաստատուած հաշուեհամարին: Այս մասին կը հաղորդէ Artsakhpress.am-ը։
Դրամահաւաքը իրականացած է առցանց եղանակով, որուն մասնակցած են Չինաստանի մէջ ուսանող հայ ուսանողներն ու համայնքի անդամները:
Չինաստանի Հայկական համայնքը անկախ կազմակերպութիւն է, որ վերջին տարիներուն կը ծաւալէ աշխոյժ գործունէութիւն: Յատկանշական են երկրին մէջ բնակող հայերը միաւորելը, հեռաւոր Արեւելքին մէջ հայապահպանութեան նպաստելը, չինացի ուսանողներուն Հայաստանի մէջ ուսանելու համար կրթաթոշակի յատկացումը, Չինաստանի մէջ հայկական ներկայութեան պատմութեան վերաբերեալ «Կիւլպենկեան» հիմնադրամին հետ կատարուող ուսումնասիրութիւնները, Չինաստանի մէջ Հայկական ուսանողական միութեան գործունէութիւնը, Հայ հետազօտողներու եւ ուսանողներու ամենամեայ առցանց գիտաժողովը եւ այլն:
