Հայաստանի եւ Իրանի կառավարութիւններու միջեւ կը նախատեսուի ստորագրել քաղաքացիներու` առանց մուտքի արտօնագիրի (վիզա) այցելութիւններու մասին համաձայնագիր:
Փաստաթուղթին հաւանութիւն տալու մասին հարցը ընդգրկուած է ՀՀ կառավարութեան Յունիս 2-ի նիստի օրակարգին մէջ:
Հիմնաւորման համաձայն համաձայնագիրի ստորագրումը կը բխի Հայաստանի եւ Իրանի միջեւ երկկողմ յարաբերութիւնները խթանելու, փոխշահաւէտ տնտեսական, առեւտրային եւ այլ կապերը ամրապնդելու անհրաժեշտութենէն:
«Համաձայնագիրին նպատակն է կանոնակարգել երկու պետութիւններու քաղաքացիներուն փոխադարձ այցելութիւններու կարգը: Ան կը սահմանէ, որ երկու պետութիւններուն քաղաքացիները սովորական եւ դիւանագիտական անձնագիրերով առանց մուտքի արտօնագրի կրնան մուտք գործել, տարանցմամբ անցնիլ, դուրս գալ եւ գտնուիլ իրար պետութիւններու տարածքին վրայ` առաւելագոյնը 90 օրեր ժամկէտով` 180 օրուան ընթացքին:
Համաձայնագիրի ստորագրումը պիտի խթանէ նաեւ երկկողմ զբօսարջութիւնը եւ պիտի ստեղծէ աւելի նպաստաւոր պայմաներ՝ ՀՀ եւ ԻԻՀ քաղաքացիներու փոխադարձ այցելութիւններու համար», ըսուած է հիմնաւորման մէջ:
Մեկնելով վերոյիշեալէն ՀՀ արտաքին գործոց նախարարութիւնը նպատակայարմար կը գտնէ համաձայնագիրի ստորագրումը:
