Երկուշաբթի, 22. 04. 2024

spot_img

ԵԱՀԿ-ը Սահմանագիծին Վրայ Ուժեղացուած Դիտարկում Պիտի Իրականացնէ

Մայիս 11-ին Լեռնային Ղարաբաղի Հանրապետութեան իշխանութիւններու հետ ձեռք բերուած պայմանաւորուածութեան համաձայն` ԵԱՀԿ առաքելութիւնը Լեռնային Ղարաբաղի եւ Ազրպէյճանի զինուած ուժերու սահմանագիծին վրայ ուժեղացուած դիտարկում պիտի անցկացնէ, ԼՂՀ Մարտակերտի շրջանի Թալիշ գիւղի հիւսիս-արեւմտեան ուղղութեամբ:

ԼՂՀ արտաքին գործոց նախարարութեան տեղեկատուութեան եւ հասարակայնութեան հետ կապերու վարչութեան փոխանցմամբ, Արցախի պաշտպանութեան բանակի դիրքերէն դիտարկումը պիտի իրականացնեն ԵԱՀԿ գործող նախագահի անձնական ներկայացուցիչ դեսպան Անճէյ Քասփրչիկ եւ ԵԱՀԿ ԳՆԱՆ գրասենեակի աշխատակից Փիթըր Սվետպըրկ /Շուէտ/, ինչպէս նաեւ ԵԱՀԿ գործող նախագահի ներկայացուցիչ Թոմաս Լենք (Գերմանիա):

ԼՂՀ իշխանութիւնները պատրաստակամութիւն յայտնած են աջակցելու դիտարկման անցկացման եւ ապահովելու ԵԱՀԿ առաքելութեան անդամներուն անվտանգութիւնը:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին