Հայաստանի պաշտպանութեան նախարար Սէյրան Օհանեան, Երեւանի Յաղթանակի զբօսայգիէն լրագրողներու յայտնեց, թէ Հայաստանի Հանրապետութիւնը այսօր դիւանագիտական գործունեութեամբ կ’իրականացնէ այն խնդիրը, որ ուղղուած է Լեռնային Ղարաբաղի ճանաչման աստիճանաբար տանելուն: Անոր խօսքով այդ մէկը դիւանագիտական շատ նուրբ աշխատանք է եւ Հայաստանի Հանրապետութեան ռազմաքաղաքական ղեկավարութիւնը կը զբաղի այդ հարցով: Անդրադառնալով այն փաստին, որ հակառակորդը զինուած ուժեր կը կուտակէ սահմանին վրայ Օհանեան նշեց, որ Հայաստանի զինուած ուժերը բոլոր այդպիսի տեղաշարժերն ու փոփոխութիւնները կ’արձանագրեն: «Մենք կը հետեւինք ամէն ինչին եւ Պաշտպանութեան բանակն ու Հայաստանի զինուած ուժերը համապատասխան ծրագիրներ կը մշակեն, որոնք ուղղուած են մեր պաշտպանութեան», ըսաւ նախարարը:
