Երկուշաբթի, 10. 02. 2025

spot_img

«Խօսքը Մէջերնիս»

ԹՄՄ յորդառատ աղբիւր մըն է, որու ջուրը երբեք չի ցամքիր: Անոր զուլալ եւ կենսատու ջուրը կ’ոռոգէ չորցածը եւ կը յագեցնէ ծարաւը: Հակառակ լիբանանահայ գաղութի ապրած բոլոր դժուարութիւններուն, ԹՄՄ կը շարունակէ անդուլօրէն իր ծառայութիւնը մատուցանել հայ ազգի զաւակներուն, որպէս հայապահպանման եւ զարգացման միջոց: Ըստ այդմ ան դարձեալ հանդէս կու գայ մշակութային միջոցառումով մը, ներկայացնելով իր Երուանդ Օտեան Թատերախումբի «Խօսքը Մէջերնիս» կատակերգութիւնը,      Յակոբ Տէր Մելքոնեան թատերասրահին մէջ:

Վաչէ Ատրունիի հեղինակած եւ բեմադրած թատերական այս գործը, կու գայ ներկայացնելու հայ արուեստագէտի միջազգային որակ ունեցող տաղանդը: Թատերախաղը սքանչելի կերպով գրուած է: Դէպքերու զարգացումը՝ անգուշակելի, հետաքրքրական եւ ծիծաղաշարժ: Դերասաններու կերպարները համոզիչ ու իրականութեան հարազատ: Ինչ կը վերաբերի դերակատարութեան, կարելի է ըսել, թէ բոլոր դերասանները վաստակաւոր խաղարկութիւն մը ներկայացուցին:  Օրինակ մը տալու համար միայն կ’ուզեմ յիշել Պօղոսի կերպարը, որ կեղծիքի եւ խաբեբայութեան որոգայթ լարող մըն է: Այնպէս հարազատ եւ իրականութեան մօտիկ գծագրած էր զայն թատերագիր Ատրունի, որ բեմին վրայ խաղցող կերպարը, իր նկարագրային գիծերու բոլոր կողմերով, կարծէք իրական կեանքէ եկած իսկական անձ մը ըլլար: Նշենք նաեւ, որ Վարդան Մկրտիչեան զայն սքանչելի վարպետութեամբ խաղցաւ: Բայց միայն Վարդան Մկրտիչեանը չէ, բոլոր դերասանները յաջող էին անխտիր՝ Հրակ Մկրտիչեան, Լուսինէ Տաքեսեան-Չէօլմէքեան, Կէպի Մէլքի, Սթէֆանի Ղուկասեան, Տիրան Սարգիսեան, Կարօ Պասմաճեան, Մակի Վասիլեան, Պէթի Սարգիսեան, Կարօ Գինոյեան, Զոհրապ Նալպանտեան եւ Յակոբ Չէօլմէքեան:

Գործը իր բաղկացուցիչ բոլոր երեսներով սքանչելիօրէն պատրաստուած է: Վարդան Մկրտիչեանի աֆիշով, Տիրան Սարգիսեանի բեմի դասաւորումով, Սթէֆանի Ղուկասեանի նկարչութեամբ եւ Լանա Քոչարեան-Ատրունիի երաժշտութեան դասաւորումով:

«Կենցաղային հարազատութիւն» բառերով կ’ուզեմ բնորոշել «Խօսքը Մէջերնիս» կատակերգութիւնը: Յարաբերութեանց մէջ վստահութեան անկումը եւ կեղծիքի աճը ապրող միջավայր մը կը ներկայացնէ սոյն թատերգութիւնը: Այնպիսի զուարճալի ոճով պատրաստուած է ան, որու աւարտին ներկաներ «այս թերափիի (therapy, բուժման) պահ մըն էր» արտայայտութեամբ դուրս եկան սրահէն: Որովհետեւ խնդուքը բուժման ազդեցութիւն թողած էր իրենց վրայ, երկար օրուայ մը յոգնութենէ ետք:

Մեր շնորհակալութիւնը կը յայտնենք ԹՄՄ-ի, որ միշտ պատրաստ է ամէն ջանք ի գործ դնելու՝ հայ մշակոյթի զարգացման համար: Եւ ի վերջոյ գնահատանքի խօսք Վաչէ Ատրունիին՝ այս վաստակաւոր գործին համար: Կը կարծենք եթէ սոյն գործը արաբերէնի թարգմանուի եւ լիբանանեան հանրութեան ներկայացուի, հիասքանչ յաջողութիւն մը եւս կրնայ ձեռք ձգել:

13091956_10209732879747406_1012600223172612555_n

13096216_10209732885147541_1374319660244899129_n

13100718_10209732884467524_3799489039157728899_n

13122888_10209732894387772_5502526212875618683_o

13119775_10209732892107715_268858081907175121_o

13147350_10209732879987412_7676855387639390032_o

13147828_10209732886107565_4615031453273340104_o (1)

13161698_10209732879187392_1550819875431117048_o

13164220_10209732894867784_3576356209590976265_n

13173322_10209732892867734_4356305345952989609_o

13177512_10209732893147741_5371068373781358260_n

13177371_10209732883027488_2122918602168042456_n

13178607_10209732875227293_9059496020759367392_n

13198400_10209732877027338_7604093844129142666_o

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին