Երեքշաբթի, 25. 06. 2024

spot_img

«Գտէ՛ք Կորսուած Թռչունները»

«Հիւրրիյէթ» թերթի մէկ յաւելուածին մէջ, Ճենկիզ Սեմերճիօղլու վերի վերնագիրին ներքեւ կը դրուատէ Արէն Փերտեճիի ու Էլա Ալեամաչի կողմէ պատրաստուած «Կորսուած Թռչունները» ժապաւէնը՝ ըսելով, որ այս ժապաւէնը 1915-ի մասին կը խօսի՝ առանց կողմ մը դառնալու, այլ պարզապէս երկու մանուկներու տեսանկիւնէն։ Այս մասին կը հաղորդէ Պոլսոյ «Մարմարա» օրաթերթը։

«Շատ տպաւորիչ ժապաւէն մըն է այս», կը գրէ յօրուածագիրը ու կ՛աւետէ, թէ ժապաւէնը երեք շաբաթներէ ի վեր կը ցուցադրուի Թուրքիոյ մէջ։ «Մինչեւ այսօր 7500 հոգիներ դիտած են ժապաւէնը, եւ ասիկա մեծ յաջողութիւն մըն է, որովհետեւ ժապաւէնը կը ցուցադրուի միայն 7 սրահներու մէջ», կը նշէ ան։

«Ձեզ կը յանձնարարեմ՝ գտէ՛ք կորսուած թռչունները եւ ուս տուէք անոնց. թէ՛ զօրակցած կ՛ըլլաք երկու երիտասարդ բեմադրիչներուն, թէ՛ դիտած կ՛ըլլաք շատ յուզիչ ժապաւէն մը», կ՛եզրակացնէ յօդուածագիրը։

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին