Մայիս 2-ին Եւրատեսիլ 2016-ին Հայաստանը ներկայացնող Իւեթա Մուկուչեան, առաջին անգամ բարձրացաւ շուէտական Էրիքսըն Կլոպ արենայի բեմ եւ միանգամայն գրաւեց բոլորին ուշադրութիւնը: Անոր «LoveWave» երգի փորձը համարուեցաւ օրուայ լաւագոյն ելոյթ: Այժմ երկրպագուները վառ, տպաւորիչ եւ կրակոտ ցուցադրութիւն կը սպասեն Իւեթայէն:
Մայիս 6-ին կայացած է երգչուհիին երկրորդ փորձը, որուն հոլովակը արդէն յայտնուած է համացանցի մէջ: Ի դէպ այս անգամ Իւեթան ներկայացած է այն զգեստով, որմով ան ելոյթ պիտի ունենայ կիսաեզրափակիչ փուլի ընթացքին: Ան գրեթէ նոյն ոճով եղած է՝ ինչպէս առաջին փորձի ժամանակ, պարզապէս աւելի շքեղ ու բեմական:
