Չորեքշաբթի, 11 Մայիսի երեկոյեան ժամը 7:30ին, Լոս Անճելըսի (Կլենտէյլ) «Ապրիլ» գրատան մէջ (415 E. Broadway, Glendale) տեղի պիտի ունենայ դոկտ. Ռուբինա Փիրումեանի նոր հատորին՝ «The Armenian Genocide in Literature: The Second Generation Responds» («Հայոց Ցեղասպանութիւնը գրականութեան մէջ. Երկրորդ սերունդը կը հակադարձէ») ներկայացումը, կը հաղորդէ «Ասպարէզ»ը:
Մուտքը ազատ է եւ տեղի պիտի ունենայ հիւրասիրութիւն։
Սոյն հատորը հեղինակին չորրորդն է, որ կ՛ուսումնասիրէ Սփիւռքի գրականութիւնը, այս անգամ լուսարձակի տակ առնելով Ցեղասպանութեան ազդեցութիւնը երկրորդ սերունդի հայ գրողներու ստեղծագործութիւններուն վրայ։
