Յաղթանակի տօնի, Լեռնային Ղարաբաղի Հանրապետութեան պաշտպանութեան բանակի եւ Շուշիի ազատագրման օրուայ առիթով, Մայիս 8-ին Արցախի Հանրապետութեան նախագահի նստավայրին մէջ տեղի ունեցաւ պարգեւատրման հանդիսաւոր արարողութիւն, ուր նախագահ Բակօ Սահակեան հանդէս եկաւ ելոյթով: Այս մասին կը հաղորդէ Արցախի նախագահի մամլոյ եւ տեղեկատուութեան վարչութիւնը:
Արցախի Հանրապետութեան նախագահի աշխատակազմի տեղեկատուութեան գլխաւոր վարչութեան փոխանցմամբ` ԼՂՀ պետական սահմանը պաշտպանելու եւ Հայրենիքի պաշտպանութեան համար մղուած մարտերուն իրենց ցուցաբերած արիութեան եւ խիզախութեան համար, խումբ մը պաշտպանութեան բանակի զինծառայողներու, ազատամարտիկներու եւ կամաւորներու յանձնուած են պետական բարձր պարգեւներ:
Արարողութեան ներկայ էին Հայ Առաքելական Եկեղեցւոյ Արցախի թեմի առաջնորդ Պարգեւ արքեպիսկոպոս Մարտիրոսեան, ԼՂՀ ԱԺ նախագահ Աշոտ Ղուլեան, պաշտպանութեան նախարար Լեւոն Մնացականեան, բարձրաստիճան այլ պաշտօնեաներ:
