Մեթիւ Քարանեանի «Պատմական Հայաստանը 100 տարի անց» գիրքը այս շաբաթ արժանացած է՝ Պենճամին Ֆրանքլին անուան մրցանակին, «2015-ին անկախ հրատարակուած լաւագոյն պատմական գիրք» անուանակարգին մէջ:
Մրցանակաբաշխութիւնը տեղի ունեցած է ԱՄՆի Եութա նահանգի Սոլթ Լէյք Սիթի քաղաքին մէջ, կը հաղորդէ armradio.am-ը:
Առաջին անգամն է, որ Հայաստանի մասին գիրք մը կ’արժանանայ The Independent Book հրատարակիչներու միութեան բարձր պարգեւին: Միութիւնը ԱՄՆ-ի մէջ հրատակիչներու ամենամեծ ընկերակցութիւնն է: Լաւագոյնի կոչման համար պայքարած են 2015-ին տպագրուած 1400 անուն գիրքեր:
«Պատմական Հայաստանը 100 տարի անց» գիրքը Արեւմտեան Հայաստանի մշակոյթի մասին երբեւէ հրատարակուած պատմական ուղեցոյց է եւ կը ներառէ 125 գունազարդ լուսանկարներ ու քարտէզներ: «Հայաստան աշխարհի երբեւէ չլսուած հնագոյն ազգերէն մէկն է», մրցանակաբաշխութեան ժամանակ ըսած է Քարանեան: Ան նաեւ աւելցուցած է, որ գիրքը Հայաստանի համար վկայական է, ոչ գովասանք:
«Հայաստանը գրեթէ ոչնչացուած է 1915-ին: Անիկա 20-րդ դարու առաջին Ցեղասպանութիւնն էր, սակայն այդ ազգը փրկուած է: Այս գիրքը այդ փրկութեան վկայականն է», ըսած է ան:
