Հայոց Ցեղասպանութեան մասին պատմող «Հայաստան, իմ սէր» ֆիլմի անդրանիկ ցուցադրութիւնը տեղի պիտի ունենայ 2016-ի Ապրիլին` Լոս Անճելոսի մէջ: Ամերիկա-ռումինացի դերասանուհի, գրող եւ բեմադրիչ Տայանա Էնճըլսըն ( Diana Angelson) ֆիլմը պիտի ներկայացնէ նաեւ կինոթատրոններու մէջ:
«Հայաստան, իմ սէր» ֆիլմը յոյսի, սիրոյ եւ հաւատքի մասին է: Անիկա ոչ թէ ֆիլմ է հայ ընտանիքի մը մասին, այլ պատմութիւն հայ ժողովուրդի մասին, որ սպաննուած, թալանուած, ոչնչացուած է սեփական երկիրին մէջ, կը գրէ «armradio.am-ը վկայակոչելով SBWIRE-ը:
Ամերիկա-ռումինացի դերասանուհի, գրող եւ բեմադրիչ Տայանա Էնճըլսըն 2016-ի Ապրիլին ֆիլմը պիտի ներկայացնէ նաեւ շարժանկարի սրահներու մէջ:
Էնճըլսըն ֆիլմի բեմադրիչ ընտրուած է Ռուբէն Վարդանեանի «100 կեանքեր» հիմնադրամի կողմէ, որուն համանախագահն է յայտնի դերասան Ճորճ Քլունին: SBWIRE-ը յատուկ կը յիշէ նաեւ Քլունիի կնոջը` Ամալ Քլունիի մասին, որ Մարդու իրաւունքներու եւրոպական դատարանին մէջ, Հայոց Ցեղասպանութեան հարցին վերաբերող նիստին ներկայացուցած էր Հայաստանը:
