Թուրքիոյ Մանիսա նահանգի Թուրգութլու շրջանին մէջ գտնուող պատմական հայկական եկեղեցին, վերանորոգումէ ետք պիտի վերածուի կրթական, մշակութային եւ արուեստի կեդրոնի:
Այս մասին կը տեղեկացնէ «Արցախփրես»ը՝ վկայակոչելով թրքական «Հուրիեթ» պարբերականը:
Եկեղեցւոյ շէնքը ժամանակին օգտագործուած է որպէս Թուրգութլուի քաղաքապետարանի ծառայողական շէնք:
Ներկայիս կ՛ընթանան եկեղեցւոյ վերականգնման աշխատանքները: Կը նշուի, որ անոնց աւարտին անիկա պիտի ունենայ ժամանակակից տեսք ու պիտի դառնայ տեղի բնակիչներուն մշակութային հանդիպումներու կեդրոնը:
Այդպիսով Մանիսայի հայկական եկեղեցին կ՛ըլլայ այն պատմական հայկական մշակութային կոթողներէն, որ տեղական իշխանութիւններու կողմէ կը վերանորոգուի:
