ՀՀ մշակոյթի նախարարութեան աջակցութեամբ` Փետրուար 1-15, Հնդկաստանի Սուրաճգունտ պատմական վայրին մէջ տեղի կ’ունենայ Սուրաճգունտի արհեստներու 30րդ միջազգային փառատօնը, որուն արդէն երկրորդ անգամ, ի թիւս այլ երկիրներու, կը մասնակցի նաեւ Հայաստանի Հանրապետութիւնը:
ՀՀ մշակոյթի նախարարութեան մամուլի ծառայութեան փոխանցած տեղեկութիւններով` այս տարի Հայաստանը կը ներկայացնեն ազգային երաժշտական նուագարաններ պատրաստող վարպետ-երաժիշտ Միխայել Սատոեւը, «Տէրեան» մշակութային կեդրոնի տնօրէն, նկարիչ-ձեւաւորող Լիլիթ Մելիքեանը եւ կոպելենագործ Անոյշ Եղիազարեանը:
Ծրագիրի համակարգողն է նկարիչ-ձեւաւորող Արեւիկ Պետրոսեանը:
Փառատօնի բոլոր օրերուն հայկական տաղաւարին մէջ կը պատրաստուին հայկական աւանդական երաժշտական գործիքներ, ձեռագործ եւ կոպելենագործ աշխատանքներ: Տաղաւարին մէջ կը հնչէ հայկական աւանդական երաժշտութիւն, մասնաւորաբար տուտուկ:
