Հայաստանի Հանրապետութեան սպառողական շուկային մէջ 2015-ի Դեկտմեբերին, Նոյեմբերի համեմատ արձանագրուած է 1,7 տոկոս գնաճ: Այս մասին ըստ «Արմէնփրես»ի լրագրողներու հետ կայացած հանդիպման ժամանակ ըսած է՝ Ազգային վիճակագրական ծառայութեան նախագահի խորհրդական Գուրգէն Մարտիրոսեան:
«1,7 տոկոս գնաճի պարագային պարէնամթերքի գիները աճած են 3 տոկոսով, ոչ պարէնային ապրանքներու գծով արձանագրուած է գինի անկում` 0,9 տոկոս, իսկ ծառայութիւններու սակագիները աճած են 2 տոկոսով», ըսած է ան:
Մարտիրոսեան նշած է, որ Դեկտեմբերին Նոյեմբերի համեմատ, 13 ապրանքախումբերէն 8-ի պարագային արձանագրուած է գնաճ` 0.125.2 տոկոս: Առաւել բարձր գնաճ արձանագրուած է 1 ապրանքային խումբի մէջ` բանջարեղէնի գծով գնաճը կազմած է 25.2 տոկոս: 3 ապրանքային խումբերու մէջ արձանագրուած է գինի անկում 0.2 0.7 տոկոս: 3 ապրանքային խումբերու պարագային արձանագրուած է գինի անկում: Մասնաւորաբար արձանագրուած է ձկնամթերքի 0.2, հրուշակեղէնի` 0.3 եւ ոչ ոգելից խմիչքի 0.7 տոկոս գինի անկում:
«Միրգ ապրանքային խումբի մէջ արձանագրուած է 3.4 տոկոս գնաճ, հաւկիթի գիները աճած են 2.7 տոկոսով, կաթնամթերքի եւ հացամթերքի գիները` 0.1 տոկոսով, շաքարաւազինը` 0.3 տոկոսով, այլ մթերքներունը` 0.2 տոկոսով», ընդգծած է ան:
Անդրադառնալով հանրապետութեան բնակավայրերու մէջ իրականացած ուսումնասիրութիւններուն խորհրդականը նշած է, որ 2015-ի Դեկտեմբերին Նոյեմբերի համեմատ, հանրապետութեան բոլոր բնակավայրերուն մէջ արձանագրուած է գնաճ: Առաւել բարձր գնաճ արձանագրուած է Վաղարշապատ քաղաքի մէջ` 2.7 տոկոս, ամենացածը` Գաւառի մէջ 1.3 տոկոս: Երեւանի մէջ գնաճը կազմած է 1.4 տոկոս:
