Յառաջիկայ շաբաթներու ընթացքին ՀՀ նախագահ Սերժ Սարգսեանի եւ Ազրպէյճանի նախագահ Իլհամ Ալիեւի հանդիպումը պիտի կայանայ: Այդ մասին երէկ երեկոյեան ՀՀԿ Գերագոյն Մարմնի նիստէն ետք լրագրողներուն յայտարարեց՝ Հանրապետական կուսակցութեան մամլոյ խօսնակ եւ Ազգային Ժողովի փոխնախագահ Էտուարտ Շարմազանով:
«Երկու նախագահներու հանդիպումը հաւանաբար կայանայ Դեկտեմբերի սկզբը», աւելցուց խօսնակը ընդգծելով, որ հայկական կողմը Ղարաբաղի հիմնախնդիրի լուծման բանակցային գործընթացի կողմնակից է:
Ան նաեւ ըսաւ, որ երկու նախագահներու հանդիպման վայրի վերաբերեալ տեղեկութիւնը՝ սահմանուած կարգով կը հրապարակէ նախագահի լրատուական ծառայութիւնը:
