Աշխարհի ամենագեղեցիկ կին նախարարներու տասնեակին մէջ առաջինը՝ Հայաստանի Արդարադատութեան նախարար Արփինէ Յովհաննիսեանի անունն է: Ցանկը կազմած է shaamtimes արաբական կայքը` նշելով, որ 1983ի ծնունդ Արփինէ Յովհաննիսեան Արդարադատութեան առաջին կին նախարարն է Հայաստանի պատմութեան մէջ:
Ամենագեղեցիկ նախարարներու տասնեակին մէջ նշուած է Ֆրանսայի բնակարանաշինութեան նախարար 37ամեայ Սեսիլ Տիւֆլոն, որ այդ պաշտօնը վարեց 2012էն մինչեւ 2014ի Մարտը: Մեծ աղմուկ բարձրացած էր, երբ ան առաջին անգամ նախագահ Ֆրանսուա Օլանտի հետ հանդիպման ժամանակ ներկայացած էր ճինզ տաբատով:
Այնուհետեւ նշուած է Շուէտի պաշտպանութեան նախկին նախարար Քարին Մարթա Էլիզապեթի անունը:
Յաջորդած է Գերմանիոյ պաշտպանութեան նախարար Ուրսուլա ֆոն Տեր Լայենը, որ այդ պաշտօնը կը զբաղեցնէ 2013էն:
Տասնեակին մէջ ընդգրկուած է Նորվեկիոյ մշակոյթի նախարար Հատիա Տայիքը, որ ծնած է 1983ին եւ ծագումով փաքիստանցի է: Ան երկրի պատմութեան մէջ ամենաերիտասարդ նախարարն է եւ կառավարութեան մէջ առաջին իսլամը:
Նաճատ Վալլօ Պելքասիմը, որ Ֆրանսայի մէջ 2012-2014 թուականներուն զբաղեցուցած է Կանանց իրաւունքներու պաշտպանութեան նախարարի պաշտօնը, ծագումով մարոքցի է, ունի սպանական եւ ալճերիական արմատներ: 2014ին դարձած է Ազգային կրթութեան առաջին կին նախարարը:
Ցանկը կը շարունակեն Սպանիոյ պաշտպանութեան նախարար 37ամեայ Կարմէ Չակոն, որ նախարարի պաշտօնը վարած է 2008-2011 թուականներուն:
Շուէտի կրթութեան նախարար 27-ամեայ Այիտա Հալզիալիքը, որ 1992ին Պոսնիայէն գաղթած է Շուէտ իր ընտանիքին հետ, Շուէտի պատմութեան մէջ ամենաերիտասարդ նախարարն է:
1965ի ծնունդ Ռաշիտա Տաթին Մարոքէն է: Ան առաջին կին արաբ նախարարն է Ֆրանսայի նախարարութեան մէջ, որ 2007-2009 թուականներուն վարած է Արդարադատութեան նախարարի պաշտօնը:
Ցանկը կ՛եզրափակէ Այղուլ Ուզքանը, որ թրքական ծագում ունի: Ան ծնած է Գերմանիոյ Համպուրկ քաղաքը 1971ին եւ համարուած է իսլամ կին առաջին նախարարը Գերմանիոյ մէջ: Կը զբաղեցնէ Հասարակական հարցերով նախարարի պաշտօնը Ներքին Սաքսոնիա նահանգին մէջ:
