Երէկ՝ Կիրակի, 13 Սեպտեմբերին Տեղական Ինքնակառավարման Ընտրութիւններ (ՏԻՄ) տեղի ունեցան Հայաստանի եւ Արցախի տարբեր մարզերուն մէջ: Այսպիսի ընտրութիւններ կայացան Արագածոտնի, Արմավիրի, Գեղարքունիքի, Լոռիի, Կոտայքի, Վայոց Ձորի, Սիւնիքի եւ Տաւուշի մէջ: Նոյնանման ընտրութիւններ կայացան նաեւ Լեռնային Ղարաբաղի Հանրապետութեան համայնքներու մէջ: Արցախի մէջ ընտրութիւններուն մասնակցելու իրաւունք ունին 94,241 քաղաքացիներ: Նշենք, որ Ստեփանակերտ եւ Իջեւան նաեւ ընտրեցին իրենց քաղաքապետները: ՏԻՄ ընտրութեանց պաշտօնական արդիւնքները քանի մը օրէն պիտի յայտարարուին։
