Այժմեան Թուրքիոյ տարածքին գտնուող Թոմարզա վարչական շրջանի Սուրբ Աստուածածին300-ամեայ վանքը աւերման եզրին է:
Երբեմնի կանգուն վանքէն ընդամէնը մնացած է քանի մը քանդուած պատ։ Այս մասին, ըստ Artsakhpress.am-ի, կը հաղորդէ թրքական The Hurriyet Daily News պարբերականը:
Մարիամ Աստուածածնին նուիրուած հայկական վանքը եղած է ուխտագնացութեան կարեւոր վայր: Վանքին կից ժամանակին գործած է Գրիգորեան հայկական հոգեւոր դպրոցը: Այնտեղ հիւրընկալուած է բրիտանացի յայտնի ճանապարհորդ, հնագէտ եւ գրող Կերդրուտ Պէլին:
1915 թուականի Հայոց Ցեղասպանութեան տարիներուն անիկա թալանուած եւ լքուած է: Խումբ մը հայ վանականներ փորձած են վերականգնել եկեղեցին` չնայած մեծ վնասներուն, սակայն չեն յաջողած:
