Երկուշաբթի 11 Մայիս 2015-ին յետմիջօրէին «Զարթօնք»ի խմբագրատուն այցելեց նախկին լիբանանահայ այժմ ամերիկաբնակ՝ «Զարթօնք»ի նախկին օգնական խմբագիր Ընկ. Հրաչ Սեփեթճեան, որուն կ’ընկերակցէր իր հայրը՝ ծանօթ գրող եւ հրապարակագիր Ընկ. Արամ Սեփեթճեան:
Հանդիպումը առիթ մը հանդիսացաւ զրուցելու հինէն ու նորէն, ինչպէս նաեւ միասնաբար արծարծելու ամերիկահայ ու լիբանանահայ գաղութները յուզող հարցեր:
Նշենք, թէ Ընկ. Հրաչ Սեփեթճեան ՌԱԿ-ի արեւմտեան Ամերիկայի օրկան՝ «Նոր Օր» շաբաթաթերթի խմբագրական կազմի անդամ է եւ Լոս Անճելըսի Հ.Բ.Ը.Մ. Մանուկեան-Տեմիրճեան վարժարանի հայերէն բաժանմունքի վարիչը:
