Իրանն ու Հայաստանը համաձայնագիր կնքած են հայկական տարածքի վրայ ջրաելեկտրակայանի կառուցման վերաբերեալ: Ինչպէս կը հաղորդէ «Արմէնփրես”-ը, այս մասին յայտարարութիւն ըրած է Իրանի ուժանիւթի նախարար Համիտ Չիտչիանը: «Ստորագրուած է համաձանագիր` Հայաստանի մէջ ջրաելեկտրակայան կառուցելու վերաբերեալ, եւ այդ երկրին մէջ իրանական կազմակերպութիւնները շուտով պիտի սկսին աշխատանքները”,- յայտարարած է Իրանի ուժանիւթի նախարարը:
Ան կարեւոր համարած է ջրային աղբիւրներու օգտագործումը: Համիտ Չիտչիանը խօսած է նաեւ տարբեր երկիրներու մէջ իրանական կազմակերպութիւններու ծաւալած բուռն գործունէութեան մասին:
