Շաբաթ, 22. 06. 2024

spot_img

Հայկական Այբուբէնին Շքերթը Կը Շարունակուի

*ԴՈԿՏ. Ա. ՏԱԳԷՍԵԱՆ*

Antranig Dakessian

Ատենին՝ 2012ին եւ 2013ին մամուլով արձագանգեր էինք Հայկական Այբուբէնի վայելուչ շքերթին, որուն ականատես եղեր էինք Հայաստանի Հանրապետութեան 2012ի եւ 2013ի դրոշմաթուղթերու տողանցքին ատեն: Այն ատեն այդ շքերթին կը մասնակցէին Այբուբէնի եօթ + եօթ տարրեր՝ Աէն Է եւ Ըէն Ծ՝ յաջորդաբար 10, 25, 50, 70, 100, 120, 280 եւ 10, 35, 50, 60, 70, 100, եւ 120 դրամ արժողութեամբ:

Իբրեւ շարունակութիւն անցնող երկու տարիներուն, Հայաստանի Հանրապետութեան դրոշմաթուղթերու 2014ի հրապարակումներու շարքին են Հայերէն Այբուբէնի տառերը՝ Կէն Յ, համապատասխանաբար՝ 70, 120, 170, 220, 230, 280, եւ 380 դրամ արժողութեամբ:

Շնորհակալութիւն յայտնելով հայրենի համապատասխան մարմիններուն՝ գեղեցիկ այս յղացքին առնչութեամբ իրենց ցուցաբերած հետեւողականութեան առթիւ, կը շնորհաւորենք հայ գիրին ծառայող ու առնչուող իւրաքանչիւր անհատ եւ կը մաղթենք որ հայկական այբուբէնը յաղթական երթ կատարէ բոլորիս սիրտ-միտք-հոգի եռամիասնութեան մէջ:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին