Ուրբաթ, 24. 05. 2024

spot_img

Հայկական Օրեր Դրանսիլուանիոյ Գէորգեն Քաղաքին մէջ

Սեպտեմբեր 5-7 Դրանսիլուանիոյ Գէորգեն (պատմական հայաբնակ Ճուրճով) քաղաքին մէջ իրականացած է Հայկական արուեստի 4-րդ փառատօնը, որ կազմակերպուած էր Գէորգենի Հայ կաթոլիկ միութեան, Դրանսիլուանիոյ հունգարահայերու միութեան, Գէորգենի հայ կաթողիկէ թեմի եւ Գէորգենի քաղաքային թանգարանի համատեղ ջանքերով: Այս մասին կը հաղորդէ Hayernaysor.am-ը:

Փառատօնին ծիրէն ներս, Հայաստանի դեսպանութեան հովանիին տակ եւ պատմաբան, փրոֆէսըր Տեսօ Կարտայի կազմակերպմամբ իրականացած է հայագիտական գիտաժողով 17-20-րդ դարերուն Դրանսիլուանիոյ հայերու պատմութիւնն ու ինքնութեան խնդիրներու վերաբերեալ:

“Մեր ժողովուրդներին վիճակուել է երկար դարեր միասին ապրել եւ միմեանց ճանաչել Հռոմի, Բիւզանդիայի եւ Օսմանեան կայսրութեան ժամանակաշրջաններից: Աւելի ուշ շրջանում Մոլդովայի եւ այնտեղից Տրանսիլուանիայ տեղափոխուած հայերի պատմութիւնն առաւել յայտնի է: Դրա մասին շատ է գրուել եւ գրւում: Այսօր մեզ համար հետաքրքիր է իմանալ, թէ ինչ է տուել ռումինահայկական եւ հունգարահայկական այդ խառնուրդը, ի՞նչ ձեւով է այն զգացւում ռումինական եւ հունգարական իրականութեան մէջ: Խօսքը հայ կամ հայկական ծագումով անհատների մասին չէ, որոնք շատ են եւ որոնցից ոմանք յայտնի են շատերին, այլ հայկական մտածողութեան, հայկական ոճի, հայկական ազդեցութիւնների մասին է, որոնք արդի համակարգուած հետազօտութիւնների կարիք ունեն”,- իր բացման խօսքին մէջ նշած է Ռումանիոյ մէջ Հայաստանի դեսպան Համլէթ Գասպարեան:

Խորհրդաժողովին զեկոյցներով հանդէս եկած են անուանի պատմաբաններ եւ հայագէտներ Քլոտ Մութաֆեանը (Փարիզ), Շանտոր Օզէն (Պուտափեշտ), Հունգարական Ակադեմիայի անդամ Շանտոր Բալը, Զոլթ Մակեարը, Շարոլտա Իշէգուցը, Իշդուան Շարանը, Մարիա Պօղոսը, Սիլվարդ Սեգելին:

Գէորգեն կատարած այցին ծիրէն ներս դեսպան Գասպարեանը հանդիպում ունեցած է  քաղաքապետ Եանոշ Մեզէյի հետ: Կարեւոր համարելով Գէորգենի հայ համայնքի պատմական դերը քաղաքի զարգացման գործին մէջ` քաղաքապետ Եանոշ Մեզէյն իր լիակատար աջակցութիւնը յայտնած է հայկական աւանդոյթներու եւ ինքնութեան պահպանման ուղղութեամբ տեղական հայկական կազմակերպութեան գործունէութեան:

Եռօրեայ փառատօնին ծիրէն ներս՝ Գէորգենի հայկական մշակութային կեդրոնին մէջ  ցուցադրուած են Լասլօ Տուհայի փայտագործական, Անամարիա Մոլնարի խեցեգործական, Կիդգա Մարկիտ Չիգի սերամիքի հաւաքածուները, Գլուժէն բերուած 19-20-րդ դարերու հայկական ձեռագործ գորգերու հաւաքածուն, Ագոշ Ռոմֆելտի լուսանկարչական գործերը եւ այլն:

Փառատօնը զուգորդուած է համայնքային նշանակութեան յոբելինական շարք մը  ձեռնարկներով, ինչպէս` հանդիսութեամբ նշուած են տեղի հայ կաթոլիկ եկեղեցւոյ հիմնադրման 280-ամեակը, հայկական հոգեւոր երգչախումբի 25 եւ Գէորգենի Հայ-կաթոլիկ միութեան 5-ամեակները:

www.hayernaysor.am

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին