Ուրբաթ, 24. 05. 2024

spot_img

Ատրպէյճան Կը Փորձէ Այլ Հարթակի Վրայ Տեղափոխել Բանակցային Գործընթացը. Սերժ Սարգսեան

«Հայաստան գործ ունի   երկրի մը հետ եւ   երկիր մը   ղեկավարի հետ, որ կ’օգտագործէ ցանկացած ձեւ, ցանկացած կարելիութիւն, որոնց մէջ՝ սուտն ու կեղծիքը: Առանց որեւէ բանէ ամչնալու». Յայտարարեց նախագահ Սերժ Սարգսեան, Հայաստանի Հանրապետական Կուսակցութեան խորհուրդի նիստին ընթացքին:

Խօսելով արտաքին   քաղաքական զարգացումներուն մասին, նախագահը նշեց.« Անհրաժեշտ է օգտագործել իւրաքանչիւր կարելիութիւն մեր գործընկերներուն, մեր բարեկամներուն, նաեւ բոլոր անոնց,որոնք այնքան ալ լաւ չեն տրամադրուած մեր նկատմամբ, հասցնելու ճշմարտութիւնը, հասցնելու մեր տեսակէտը: Աշխարհը արագ կը փոխուի եւ մեր հակառակորդներուն   հնարաւորութիւնները կը մեծնան եւ մենք իրաւունք չունինք անտարբեր մնալու: Գիտէք՝ մենք գործ ունինք երկրի մը հետ, եւ երկրի մը ղեկավարին, որ ցանկացած ձեւ, ցանկացած հնարաւորութիւն կ’օգտագործեն, որոնց մէջ՝ նաեւ սուտն ուկեղծիքը: Եւ անոնք ոչ մէկ բանէ չեն ամչնար: Ամէն օր մարդոց բանտ կը նստեցնեն կամ կը սպաննեն ապա կ’ըսեն, որ   իրենց   հասարակութիւնը կը զարգանայ: Ես վստահ եմ, որ Ատրպէյճանի եւ յատուկ ծառայութիւնները եւ ղեկավարութիւնը վստահ են,որ այդ լրագրողները չեն կրնար   դառնալ Հայաստանի յատուկ ծառայութիւններու գործակալ: Ակնյայտ է չ՞է բոլորիս: Բայց անոնք առանց ամչնալու այդպիսի պիտակներ կը դնեն,այսինքն՝ օգտագործելով հակամարտութիւնը, կը փորձեն իրենց երկրին մէջ հաստատել իրենց կարգերը». ըսաւ նախագահ Սարգսեան:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին