ՆԱՏՕ-ի գագաթնաժողովում Հայաստանի դրոշը պահել է Սանդհյորսթի Թագավորական ռազմական ակադեմիան ավարտած հայ սպան: Այդ մասին իր միկրոբլոգում հաղորդել է Հայաստանում Մեծ Բրիտանիայի դեսպան Քեթրին Լիչը:
Նրա խոսքով՝ դրոշը պարզել է ռազմական ակադեմիան ավարտած առաջին հայ սպան:
Նշենք, որ Մեծ Բրիտանիան հայ կուրսանտին ուղարկել էր Սանդհյորսթի Թագավորական ռազմական ակադեմիա: Սեւակ Վիրաբյանը մեծ ձեռքբերումների համար պարգեւատրվել է մեդալով (Hodson’s Horse Merit Award):
Հիշեցնենք, որ սեպտեմբերի 4-5-ին Ուելսում կայացաւ Հյուսիսատլանտյան դաշինքի գագաթնաժողովը: Հայաստանի նախագահ Սերժ Սարգսյանը Ուելս էր մեկնել՝ մասնակցելու ՆԱՏՕ-ի անդամ ու Աֆղանստանում միջազգային անվտանգության աջակցության ուժերի /ISAF/ առաքելության մասնակից գործընկեր երկրների պետությունների եւ կառավարությունների ղեկավարների հանդիպմանը:
www.news.am
