Թուրք-լազ գրող Սերքան Էնկինի պօէմը՝ հայերու, ասորիներու եւ յոյներու ցեղասպանութեանց մասին, արդէն իսկ հասանելի է ընթերցողին: Պօէմը վերնագրուած է «Բարբարոսն ու Տիկին Տէյզըն» եւ տեղադրուած է ամերիկեան «աւանկարտ» երգչուհի Տիամանտա Կալասի կայքին վրայ՝ Diamandagalas.com:
Սերքան Էնկին մօր կողմէ թուրք, իսկ հօր կողմէ լազ է, բայց ինքզինք կը համարէ ազգութեամբ լազ, քանի որ իրեն համար՝ «ամօթ է մօրենական կողմի նախնիներու արարքին կրողը ըլլալ»:
«Կը մերժեմ ես զիս թուրք համարել, քանի որ իմ թուրք նախնիները Օսմանեան կայսրութեան ժամանակաշրջանին իրականացուցած են Հայերու Ցեղասպանութիւնը: Թուրքերն ու քիւրտերը դաժանաբար սպաննած են 1.5 միլիոն հայեր, բռնաբարած են փոքրիկ երեխաներ, ողջ-ողջ այրած զանոնք ու գողցած են հայերու հարստութիւնը: Հայերու հետ, Օսմանեան Թուրքիոյ մէջ սպաննուած են նաեւ հազարաւոր ասորիներ», ըսուած է Էնկինի «Անտանելի Ամօթ Է Ըլլալ Թուրք» խորագրեալ յօդուածին մէջ։
Բանաստեղծութեան անգլերէն տարբերակը կարելի է ընթերցել հետեւեալ կայքէջին վրայ.
https://armenian-poetry.blogspot.com.tr/2014/06/serkan-engin-barbarian-and-ms-daisy.html։
