Վարդավառի տօնին առիթով Երեւանի քաղաքապետարանի կազմակերպած ձեռնարկներու գլխաւորն ու ամենամարդաշատը Կարապի լիճի տարածքին էր: Երեւանի քաղաքապետարանի տեղեկատւութեան եւ հասարակայնութեան հետ կապերու վարչութեան տեղեկութիւններով՝ երէկ առաւօտեան բաժնուած են օրուայ խորհուրդին համահունչ փոքրիկ դոյլեր:
«Կարապի լիճը վերածուած էր իւրօրինակ ջրամբարի` ջուրի անսպառ պաշար ապահովելով հաւաքուած մեծ ու փոքր երեւանցիներու եւ մայրաքաղաքի հիւրերու, ինչպէս նաեւ անոնց հետեւող անցորդներու համար: Ջրառատ այս տարածքին մէջ ներկաներու տօնական տրամադրութիւնն ու ուրախ ժամանցը մինչեւ երեկոյ ապահովեցին ինչպէս Երեւանին նուիրուած, այնպէս ալ այլ երգերն ու տօնական ուրախ երաժշտութիւնը:
Իսկ ՀՀ ԱԻՆ հրշէջ մեքենաներէն արձակուող ջրաշիթերը միտուած էին միայն ատրենալինի յաւելեալ չափաբաժին ապահովելուն»,- նշուած է քաղաքապետարանի հաղորդագրութեան մէջ:
