Երկուշաբթի, 06. 02. 2023

Պատրիարք Ռաաի Դարձեալ Կոչ Ուղղեց Միջազգայնացնելու Լիբանանեան Հարցը

Մարոնիներու պատրիարք, քարտինալ Մար Պըշարա Պութրոս Ալ-Ռաաին յայտնեց, որ ինք կը կարծէ, որ բոլոր քաղաքական փաստերը կը հաստատեն Լիբանանի դէմ նախագահական թափուր պաշտօն ստեղծելու ծրագրի մը առկայութիւնը: Ան վերահաստատեց իր կոչը ՄԱԿ-ի և բարեկամ երկիրների հովանիին ներքեւ Լիբանանի վերաբերեալ խորհրդաժողով գումարելու, Լիբանանը ռազմական առճակատումէ չէզոքացնելու համար և մինչև իրավիճակը վերահսկելի ըլլայ տարածաշրջանային այս փուլին մէջ, որուն ճակատագիրն անյայտ է, ըսաւ ան։
Պատրիարքը Ս. Ծննդեան իր ուղերձին մէջ հետեւեալ հարցադրումը ըրաւ. 
 «Արդեօ՞ք քաղաքական խումբերը չխանգարեցին կառավարութեան կազմութիւնը նախքան նախագահ Միշել Աունի լիազօրութիւններու աւարտը, հակառակ անոր, որ անոնք  գիտէին, որ կառավարութիւնը պաշտօնապէս հրաժարած է:
 
«Տոլարը կը թանկանայ, լիբանանեան դրամը կը փլուզուի, աշխատավարձերն ու փոխհատուցումները արդէն անարժէք են մինչ քաղաքական գործիչները այս կենսական հարցով մտահոգուած չեն: Նմանապէս, Պէյրութի նաւահանգիստի պայթումը տակաւին կը սպասէ դատական ​​համակարգին, որ իր հերթին կը սպասէ քաղաքական վէճերու աւարտին: Մենք կը շարունակենք ջանքերը՝ մեր երկիրը հանելու այս իրավիճակէն» ըսաւ ան:

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին