Հինգշաբթի, 29. 09. 2022

Տա­թե­ւիկ Սա­զան­դա­րեա­ն

Տաթեւիկ Սազանդարեան (20 Օգոստոս 1916, Խնձորեսկ, Զանգեզուրի Գաւառ, Ելիզավետպոլ Նահանգ, Ռուսական Կայսրութիւն – 6 Հոկտեմբեր 1999,  Երեւան, Հայաստան), օփերային երգչուհի։

Ծնած է Խնձորեսկի մէջ։ Մանկութիւնը անցած է Պաքու: 1929 թուականին տեղափոխուած է Մոսկուա, երգած՝ Արեւելեան ինքնագործ խումբին մէջ։

Ուսանած է Մոսկուայի Հայ մշակոյթի տան երաժշտական եւ տրամաթիքական աշխատանոցին մէջ։ Երեւան գալով եղած է Երեւանի Օփերայի եւ պալէի թատրոնի մեներգչուհի։

1939 թուականին Մոսկուայի մէջ՝ Հայ արուեստի տասնօրեակին, հանդէս եկած է Ալմաստի (Սպենդիարեանի «Ալմաստ») դերերգով եւ արժանացած՝ համընդհանուր ճանաչման։

Երգչուհիի մեկնաբանմամբ Փառանձեմի (Տիգրան Չուխաճեանի «Արշակ Բ․»), Թամարի (Արմէն Տիգրանեանի «Դաւիթ Բէկ») եւ Ալմաստի դերերգերը հայկական օփերայի կատարողական արուեստի գոհարներէն են:

Յատուկ անոր համար գրուած են Թամարի, Շուշանի՝

  • Պապաեւի «Արծուաբերդ»,
  • Նազելիի՝ Ստեփանեանի «Հերոսուհին»,
  • Պերպերոյի՝ Տէր-Ղեւոնդեանի «Արեւի ցոլքերում» դերերգները։

Լաւագոյն կատարումներէն եղած են նաեւ Քարմէնի՝

  • Պիզէի «Քարմէն»,
  • Ամներիսի՝ Վերտիի «Աիտա»,
  • Իոքաստէի՝ Սթրավինսքիի «Էտիփ արքայ»,
  • Լիւպաշայի՝ Ռիմսքի-Քորսաքովի «Թագաւորի հարսնացուն»,
  • Օլկայի՝ Չայքովսկիի «Եւկենի Օնեկին» եւ այլ դերերգներ։

Հանդէս եկած է նաեւ իբրեւ քամերային երգչուհի։ Կատարած է հայ, ռուս եւ եւրոպացի յօրինողներու շուրջ 450 ստեղծագործութիւններ։

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին