Լիբանանի կառավարութիւնը, երէկ Պաապտայի պալատին մէջ կայացած իր նիստին ընթացքին համաձայնեցաւ «Դրամագլուխի վերահսկողութիւն» օրինագիծը որոշ բարեփոխումներով հաստատել եւ ուղարկել զայն խորհրդարան:
Նախարարաց խորհուրդը գումարուած էր նաեւ պարենային անվտանգութեան եւ ֆինանսատնտեսական իրավիճակը քննարկելու, նախագահ Միշէլ Աունի գլխաւորութեամբ Վարչապետ Նաժիպ Միքաթիի եւ նախարարներուն ներկայութեամբ: Անոնք քննարկեցին 29 կէտերէ բաղկացած օրակարգ՝ Կեդրոնական Դրամատան կառավարիչին բացակայութեամբ, որ նախօրօք հրաւիրուած էր մասնակցելու նիստին։
