Ինչպէս կը նախատեսուէր, Լիբանանի տեղեկատւութեան նախարար Ժորժ Քըրտահին երէկ հրաժարական տուաւ։
Քըրտահի հակիրճ խօսք մը արտասանելով նշեց, որ այս քայլին կը դիմէ, որպէս բարի կամեցողութեան նշան։
Ան նաեւ ըսաւ, որ յոյս ունի, որ իր հրաժարականը կ՚օգնէ օրերս Սէուտական Արապիա այցելող Ֆրանսայի նախագահ Էմաննուէլ Մաքրոնին, որ կարողանայ Լիբանանի եւ Արաբական Ծոցի երկիրներուն միջեւ առաջացած տագնապը լուծելու։
Յիշեցնեմ, որ Լիբանան նեղ կացութեան ենթարկուեցաւ մասնաւորապէս Ռիատի եւ արաբական ծոցի երկիրներուն կողմէ, երբ պարզ դարձաւ, որ Քըրտահի քննադատած էր Եէմէնի պատերազմը, մինչ այդ քննադատութիւնները հնչած են անոր նախարար նշանակուելէն երկու ամիս առաջ։
