Չորեքշաբթի, 5 Մայիս, 2021-ին, Լոս Անճելըսի մէջ իր մահկանացուն կնքեց նախկին լիբանանահայ, Ռամկավար Ազատական Կուսակցութեան Արեւմտեան Ամերիկայի շրջանակի նուիրեալ կուսակցական եւ անսակարկ հայրենասէր ընկեր Արա Ահարոնեանը:
Ընկեր Ահարոնեան ամերիկահայ համայնքէն ներս կը վարէր զանազան պաշտօններ միշտ պատրաստ ծառայելու իր հայրենիքին՝ ՌԱԿ-ի եւ ԹՄՄ-ի միջոցով:
Երախտաւոր ընկերը ծնած էր 1952-ին, Թրիփոլի, Լիբանան: Տասնամեակներ շարունակ մնաց պատնէշի վրայ, գործեց անմնացորդօրէն եւ նպաստը բերաւ ռամկավար ազատական մամուլին իր ժրաջան աշխատակցութեամբ:
Այս տխուր առիթով, ՌԱԿ Լիբանանի Շրջանային Վարչութիւնն ու ԶԱՐԹՕՆՔ-ի մեծ ընտանիքը իրենց խոր ցաւակցութիւնները կը յայտնեն հանգուցեալին հարազատներուն, ընտանեկան պարագաներուն եւ գաղափարի ընկերներուն:
