Երեքշաբթի, 27. 09. 2022

Նորվեկիոյ Դեսպանի Այցը Գարակէօզեան Հաստատութիւն

Հինգշաբթի, 29 Ապրիլ 2021-ին «Հաուըրտ Գարակէօզեան» հաստատութիւն այցելեց Նորվեկիոյ պատուիրակութիւնը գլխաւորութեամբ՝ Լիբանանի մէջ Նորվեկիոյ լիազօր դեսպան Մարթին եթէրվիքի․ պատուիրակութեան միացած էր Norwegian Church Aid-ի Լիբանանի գործադիր տնօրէն Ռուպա Խուրի եւ Միջին Արեւելքի Եկեղեցիներու միութեան ներկայացուցիչ Նինա Հայէք։

Անոնք դիմաւորուեցան հաստատութեան Տնօրէն՝ Սերոբ Օհանեանի, Վարչական Մարմնի Ներկայացուցիչ Վահէ Պարսումեանի եւ ընկերային ծառայողներուն կողմէ ապա շրջայց մը կատարեցին հաստատութեան զանազան բաժանմունքները, մօտէն ծանօթացան հաստատութեան մատուցած ընկերային ու բժշկական ծառայութիւններուն։ Հուսկ պատուիրակութեան անդամները առանձին հանդիպում ունեցան հաստատութեան տնօրէնին եւ ընկերային ծառայողներուն հետ, քննարկեցին ժողովուրդին դիմագրաւած դժուարութիւններն ու հաստատութեան ծառայութիւնները ինչպէս նաեւ խօսեցան ապագայ ծրագիրներու գործակցութեան մասին։ Աւարտին լսեցին լիբանանահայ ընտանիքներու վկայութիւնները երկրին մէջ տիրող ընկերային եւ տնտեսական ծանր իրավիճակին մասին։

Տնօրէն Սերոբ Օհանեան ներկայ պատուիրակութեան անդամներուն նուիրեց հայկական խորհրդանիշ եղող նռան պատկերը եւ իր խորին շնորհակալութիւնը յայտնեց իրենց կատարած մարդասիրական ծառայութիւններուն եւ համագործակցութեան բարձր ոգիին։

Նախորդ յօդուածըՀաղորդագրութիւն
Յաջորդ յօդուածըԽաչատուր Առաքելեան

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին