Սէուտական Արաբիա երէկ միացաւ միջազգային ընտանիքին կոչ ընելով շուտափոյթ կերպով կառավարութիւն կազմել փրկելու համար Լիբանանը: Նոր կառավարութիւնը պէտք է լծուի հիմնական բարեփոխումներու երկիրը հանելու իր տնտեսական անելէն:
Այս կոչը կատարուեցաւ Լիբանանի մէջ Սէուտական Արաբիոյ թագաւորութեան դեսպան՝ Ուալիտ Պուխարիի բերնով Լիբանանի Հանրապետութեան նախագահ՝ Միշէլ Աունին իր անակնկալ այցելութենէն անմիջապէս ետք:
Պուխարիի յայտարարութիւնը եկաւ նախագահ Միշէլ Աունի եւ նշանակեալ վարչապետ Սաատ Հարիրիի անյաջող հանդիպումէն օր մը ետք եւ ունի մեծ նշանակութիւն: