Մինչ լաւատեսութիւն ներշնչող քիչ լուրեր կան երկրին մէջ, Պէյրութի Միջազգային Օդակայանի բացումին լուրը որոշ ուրախութիւն ներշնչեց Լիբանանցիներուն:
Արդարեւ, Պէյրութի Ռաֆիք Հարիրի օդակայանը փակ էր սովորական թռիչքներու դիմաց ընթացիկ տարուայ 18 Մարտէն սկսեալ:
Հակառակ, որ օդակայանը իր դռները բացաւ իր կարողութիւններուն միայն տաս տոկոսը դնելով շրջանառութեան մէջ սակայն նոյնիսկ այս, որոշ յոյս ներշնչեց, որ զբօսաշրջիկներու վերադարձով Լիբանանի տնտեսութիւնը շունչ մը կ՛առնէ:
Առաջին ճամբորդները անշուշտ ընտանեկան միացումներու հետ կապուած ճամբորդութիւններ են, որոնց միջոցաւ մարդիկ չորս ամսուայ դադարէ ետք պիտի կարենան վերամիանալ իրենց ընտանեկան պարագաներուն:
