Երկուշաբթի, 20. 05. 2024

spot_img

Արցախը Նախորդ Շաբաթ. Լիբանանահայ Երգչուհին Բացայայտեց Արցախը (լուսանկարներ)

ՆՈՐԱՅՐ ՅՈՎՍԷՓԵԱՆ

«Զարթօնք»ի Արցախի Աշխատակից

Արցախի մշակոյթի, երիտասարդութեան հարցերու եւ զբօսաշրջութեան նախարարութեան  աջակցութեամբ՝   ընթացիկ օգոստոս 13-ին Շուշիի  կերպարուեստի պետական թանգարանին մէջ  տեղի ունեցաւ  երգչուհի  Շողիկ Թորոսեանի մենահամերգը: Այս ձեռնարկը լիբանանահայ   սոփրանոյի առաջին ելոյթն  է Արցախի մէջ:  Երգչուհին ինքզինքին համար բացայայտեց Արցախը, իսկ արցախցիների համար իսկական բացայայտում մըն էր լիբանանահայ երգչուհին: Ան  այսուհետ սպասուած հիւրը կ՛ըլլայ Արցախի բեմին:

            Լիբանանահայ  երգչուհին  Արցախ եկած է իր ամուսնին եւ դստեր հետ՝ աւելի շեշտելով այն հանգամանքը, որ այցը առաջին հերթին ճանաչողական բնոյթ ունի: Ինչ կը վերաբերի համերգին, ապա ան պէտք է կայանար   նախորդ տարուայ՝ 2018-ի  օգոստոսին, սակայն ինչ-ինչ հանագամանքերու պատճառով  յետաձգուած էր: Մէկ տարուայ յետաձգումով, բայց ոչ պակաս սիրով՝ լիբանանահայ երգչուհիին հիւրընկալեցին Շուշիի Կերպարուեստի թանգարանին մէջ, որ ժամանակէ մը ի վեր արդէն ոչ միայն տարբեր ազգութիւններ եւ ժամանակներ ներկայացնող նկարիչներու, քանդակագործներու ստեղծագործութիւններով հիանալու վայր է, այլեւ փոքրիկ ու ջերմ համերգներու սրահ: Արցախի մէջ  ելոյթ ունենալը սոփրանոյի երազանքն էր, բայց Արցախի մէջ իր առաջին ելոյթը Շուշիի մէջ ըլլալը ան նոյնիսկ չէր երազէր:  «Իրականացաւ իմ երազը՝ երգել հայրենի հողին վրայ, անոր հերոսական զաւակներու համար: Բոլորովին այլ զգացողութիւններ են: Իսկապէս ազդուած եմ»,- յուզմունքը չի ծածկեց Շողիկ Թորոսեանը: Երգչուհին կը դասաւանդէ Լիբանանի Բարսեղ Կանաչեանի անուան երաժշտական դպրոցին մէջ, որուն շրջանաւարտն է: Ան կ՛երգէ նաեւ Լիբանանի    եկեղեցական  երգչախումբերուն մէջ, հանդէս կու գայ   համերգային ծրագիրներով, ինչպէս Լիբանանի մէջ, նաեւ ալ անոր սահմաններէն դուրս: Ամեն տեղ տարածել հայ երգը. այս, իրեն համար ոչ թէ աշխատանք է, այլ առաքելութիւն: Շուշիի մէջ կայացած համերգի ծրագրին մէջ կային հայ երաժշտահաններու եւ երգահաններու՝ Կոմիտասի, Տիգրանեանի, Կանաչեանի, Աւետիսեանի, Պերպերեանի  յայտնի ստեղծագործութիւնները: Երգչուհին    կատարած է  նաեւ   իրեն համար  գրուած   երկու երգ: Սոփրանոյին      նուաագակցեցաւ        դաշնակահար  Նելլի Սարգսեան: Ան Արցախէն է եւ շատ կարճ  ժամանակահատուածիէր  մէջ ծանօթացած է համերգային ծրագրին: Երգչուհիին հետ անոնք ընդամէնը  2 փորձ   կատարած են՝  Հայրենիք-Սփիւռք  մշակութային    կամուրջ կառուցելով: «Երգչուհին ինքն ալ զարմացած էր, որ նման կարճ ժամանակահատուածի մէջ կրցանք համագործակցութեան այսպիսի մակարդակի հասնիլ»,- հպարտութեամբ  կ՛արձանագրէդաշնակահար Նելլի  Սարգսեանը:

Համերգի կայացմանը  նպաստած  է   Վարանդա երգչախումբի  գեղարուեստական  ղեկավար եւ խմբավար    Զաքար  Քեշիշյան: Ան կը վստահեցնէ, որ Սոփրանոյի    հետ      համագործակցութիւնը    հարստացուցէր է  նաեւ Վարանդայի    երգացանկը: «Երկու երգ խմբագրած եմ, որ «Վարանդա» երգչախումբը, որուն մասին երգչուհին շատ լսած էր, կարողանայ իր հետ հանդէս գալ այս համերգին: Այդպէս ալ ըրինք եւ ամէն ինչ շատ յաջող դուրս եկաւ»,- գոհունակութիւնը չի թաքցնէր Զաքար Քեշիշեան:     

Համերգի ընթացքին  կայացէր է  նաեւ   ապրիլեան զոհերու յիշատակին   նուիրուած  երգի մը մեկնարկը: Խօսքերու հեղինակը   Միքայէլ Հաճեանն է: Ան «Թալիշի դիրքերում» բանաստեղծութիւնը     նուիրած է  որդիին՝ Նորայրին  և  անոր մարտական  ընկերոջ՝ Սարգիսի  յիշատակին: Երաժշտութիւնը  գրած է  լիբանանահայ  Վահրամ   Էմմիեանը: Երգչախմբային  տարբերակը մշակած է  Զաքար  Քեշիշեան: «Ես հիացած եմ: Մեր ընտանիքն ալ շատ գոհ է: Այս մեր երգին արցախեան մեկնարկն էր»,- յուզմունքը չի պահէր Միքայէլ Հաճեան:

Երգչուհիին սիրեց հանդիսատեսը, անոր անզուգական կատարումները  ընդունեցին  ջերմ, սիրալիր ժպիտով, ճանապարհեցին՝ բուռն ծափերով: Մշակոյթի, երիտասարդութեան հարցերու և զբօսաշրջութեան նախարար Լեռնիկ Յովհաննիսեան հաստատեց, որ այս համերգը   սկիզբն է նոր համագործակցութեան: Տարբեր բառերով՝ ապագային նոր համերգներու ծրագրեր կ՛ուրուագծուին:

Ստեփանակերտ

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին