«ԶԱՐԹՕՆՔ», ՊԷՅՐՈՒԹ –ԱՄՆ-ի առափնեայ պահպանութիւնը 232 միլիոն տոլար արժողութեամբ 7 թոն կոկային առգրաւած է Հարաւային Ամերիկայի ափին մօտ: Գործողութեան տեսագրութիւնը, որ իրականացուած է Յունիս 18-ին, Յուլիս 11-ին հրպարակուած է այդ ծառայութեան Twitter-եան էջով, կը տեղեկացնէ «Արմէնփրես»:
Առափնեայ պահպանութեան՝ Յուլիս 11-ին տարածուած մամուլի տեղեկագրին մէջ նշուած Է, որ միայն 2019 թուականի Մայիսէն մինչեւ Յուլիս Խաղաղ ովկիանոսի ջուրերուն մէջ կալանուած եւ առգրաւուած է 569 միլիոն տոլար ընդհանուր գումարի 17 թոն կոկային եւ 400 ք կրամէն աւելի մարիխուանա, հաղորդած է ԹԱՍՍ-ը:
