«Կեդրոն այցելած են բազմաթիւ երկիրներէ ժամանած զբօսաշրջիկներ, անոնք այնքան տպաւորուած էին կեդրոնով՝ ըսելով, որ իրենք բացայայտեցին հոգեւոր, մշակութային նոր Հայաստանը: Անոնք մեզի հետ հայկական պարեր պարած են, ծանօթացած եւ նոյնիսկ մասնակցած են ծիսակատարութիւններուն, ինչպէս նաեւ համտեսած մեր աւանդական կերակուրները»,- «Արմենփրէս»-ի հաղորդմամբ, ըսած է Անտոնեան:
«Երբ վերադարձայ Սանահին, նկատեցի, որ գիւղին մէջ երեխաներուն մէջ աշխուժութիւն չկայ: Մտածեցի, եթէ ես ունիմ ներուժ եւ մանկավարժի փորձ, ինչո՞ւ չստեղծել նման կեդրոն: Ես եւ ամուսինս` Սօս Մարտիրոսեանը որոշեցինք մեր պապենական տունը դարձնել զբօսաշրջութեան եւ մշակոյթի կեդրոն»,- պատմելով կեդրոնի ստեղծման գաղափարին մասին` ըսած է բանախօսը:
Նիւթը պատրաստուած է «Բացայայտիր երկիրդ» արշաւի ծիրէն ներս ՀՀ տնտեսական զարգացման եւ ներդրումներու նախարարութեան Զբօսաշրջութեան պետական կոմիտէի եւ Հայաստանի զբօսաշրջութեան զարգացման հիմնադրամի աջակցութեամբ:
